Hartz Txikik marrazki dotorea egin du eta amonari oparituko diola erabaki du. Oilok eramango dio marrazkia amonari eta, honek, esker onez, musu bat bidaliko dio bueltan Hartz Txikiri. Oilok musua hartu eta igelari pasako dio, igelak katuari, katuak mofetari…baina, helduko ote zaio azkenean muxua Hartz Txikiri?
Maitasuna, laguntasuna eta esker ona istorio sinple bezain hunkigarri batean. Hartz Txikiren bildumako beste ipuinen antzera, eguneroko bizipen eta sentimenduak xamurki kontaturik Maurice Sendaken ilustrazio zoragarriez lagundurik.
Reseña de la librería
-Marrazki hau primeran geratu zait
-esan zuen Hartz Txikik.
-Kaixo, Oilo. Marrazki hau amonarentzat da.
-Eramango diozu, Oilo?
-Bai, noski -esan zuen Oilok.
Amona oso pozik jarri zen.
-Musu hau Hartz Txikirentzat da -esan zuen.
-Eramango diozu, Oilo?
"Musu bat Hartz Txikirentzat" kontakizun laburrak umorez eta maitasunez gainezka egiten du. Hartz Txikik Hartz Amonarekiko duen maitasuna: horren frogagarri gisa, marrazki bat oparitu dio eta hark musu batez eskertu dio. Musu hori alde batetik bestera ibiltzen da basoko animalien artean, azken hartzailearengana heldu arte. Musu ibiltaria eta kateatua da, aldi berean maitasunezko istorio paralelo bat sorrarazi eta animalien lagunarte amultsua zoriontasunez beteko duena.
Lehen aldiz 1968an argitaratu zelarik, Else Holmelund Minarik eta Maurice Sendak egileen liburu hau testuaren erraztasunagatik eta pertsonaien samurtasunagatik nabarmentzen da. Hartz Txikiren nortasunak, begikotasunak eta naturaltasunak irakurleen identifikazioa errazten dute.
Bere Sail bereko beste tituluen antzera, liburu honek dituen ilustrazio ederrek antigoaleko grabatuen oihartzuna daramate: konposizio klasikoa, ingurune naturaletan ageri diren figura adierazkorrak, xehetasunez beteak eta landu-landuak.
Reseña de la editorial
