Garazik, gure protagonista gazteak, Senegalen izandako bizipenak kontatuko dizkigu liburu honetan. Bera dugu protagonista eta, azkeneko udan, Balicoundara egindako bidaiaren oroitzapen eta gertaerak ekarriko ditu gogora bertatik jasotako gutun bat abiapuntu dela. Garaziren aitak Senegaleko erietxe batean lanean aritzeko proposamena onartu ondoren hasiko da guztia. Bertara abiatuko dira aita, Garazi eta bere aizpa, Izaro, inoiz ahaztuko ez duten esperientzia biziz kontinente beltzean.
Liburuak ablazioaren gai latzari heltzen dio lotsarik gabe, neskatila baten begietatik errealitate gordina kontatuz eta, aldi berean, gauzak aldatzeko itxaropena galdu gabe. Elkartasunak, adiskidetasunak eta sentimenduek ere badute bere lekua istorio honetan
Reseña de la librería
Garazik eta Izarok ustekabe galanta hartuko dute, aitak esaten dienean uda osoa Senegalen pasatuko dutela, aita erizainak bertako ospitale batean laguntzen duen bitartean. Hasieran dena da berria: jendea, giroa, etxeak, usainak... Lagunak egiteak ere ez dirudi erraza bi neskentzat, bertako hizkuntza ezagutu gabe. Hala ere, sorpresa atsegin eta hunkigarriz beterik egongo da Afrikako egonaldi hori.
Reseña de la editorial